Article المقال ( Juillet )

 

المرض نفسي

بقلم 

كارين رامى 

المرض نفسي

واللي دايما الناس بتتعامل معاه علي أنه عيب أو حرام وأن ده حاجة لازم تستخبى 

ولكن أن مريض نفسي ما هو إلا إنسان بشري تعرض لفترات صعبة ومحتاج مساعدة علشان يتعافى 

شخص طبيعي ولكن مقدر يكون 

عنده مثلا اكتئاب  وهو دايما بيبقي متقلب المزاج و عنده رغبه في إيذاء نفسه و بيعاني دايما من تكدر المزاج (الشعور بالحزن أو سرعه الغضب أو فقدان المتعة أو الاهتمام بالأنشطة ) ومش بس كده بيعاني من ضعف التركيز أو أنه دايما حاسس بذنب و دايما عنده قله ثقه في نفسه و شعور الخوف من مستقبل و تفكير في الموت والانتحار و اضطراب النوم و إحساسه دايما بتعب أو أنه معندهوش طاقه و دايما المصاب الاكتئاب بيبقي عرضه أكثر للإنتحار فا مش عيب ولا حرام أنه يطلب مساعدة من دكتور ٲو من متخصص والتعامل مع الشخص ده بأننا دايما نحسسه أن إحنا حواليه ومعاه لأن دايما حتلاقي الشخص ده بيضحك و بيهزر و مش باين عليه أي أعراض بس علشان هو مش حيبقي حابب يبين لك أنه ضعيف و حقيقي صعب أوي عليه أنه يخبي مشاعره الحزينة أو كسرته في ضحكته هي الي بتبين وجعه الحقيقي اللي محدش يعرفه إلا الأوضة  اللي بيقضي فيها معظم وقته أو المكان اللي بيحب يقعد فيه وهو زعلان ساعدوا ناس دي لان حقيقي هما بياذوا نفسهم عشان ما يأذوش حضرتك أو يحسسوك أنهم تقال عليهم 

اه 

*اياك ثم اياك تحسسهم أنهم تقال عليك 

* أو ٲنك تحاول تستنزف الطاقة الي فاضلة عندهم علشان ساعتها حا تشوف أوحش مافيهم 

المرض النفسي مش عيب 

المرض النفسي ليه علاج 

المريض النفسي محتاج أنك تسمعه حتي لو بيقول الكلام ميت مرة بطريقة مختلفة علشان هو مش حيعرف يحكي بس حيعرف يعبر عن زعله في أنه يتكلم حتى لو على هبل.