Article المقال ( Fevrier)
...ابنتي وابني اللذان لم يأتيا بعد
بقلم
نانسي أيوب
ابنتي وابني اللذان لم يأتيا بعد. . . وربما لن يأتيان أبداً !
- ليس مهماً ما تَرتدونه من ماركات
وماتضعونه من بارفانات . .
"ما أكثر الذين يضعون بارفانات
غالية الثمن ويرتدون أفخم الماركات ويتكلمون اللغات وهم في حقيقتهم أشخاص رخيصة
الثمن."
- اجعلوا من البساطة أسلوب حياة . .
"مفيش اكثر من الناس اللي هتلاقوها
بتعقد حياتكم وتتريق على بساطتكم"
- كونوا أمناء في كل شيء . .
"كونوا مبادرين . . مبدعين . .
مجانيين . . حتى لو ادعوا عنكم انكم محتالين ! حتى لو اتحاربتوا بسبب مجانيتكم !
حتى لو حاربوكم بسبب ابداعكم!
- كونوا أحرار . . ماتسمحوش لحد
يستغلكم أويستعبدكم بحكم الحب . .
- هتتوجعوا كثير . . "هتتوجعوا
بس هتتعلموا . . المهم
انكم تكملوا تحبوا وماتخلوش الدنيا تغيركم"
- لا تتزوجوا بدون حب . ." حتى
لو عيروكم انكم اتأخرتوا وعنستوا وفات الوقت . . ماتتجوزوش الا عن حب"
- عيشوا دائماً بروح الأطفال داخلكم
. . "حتى لو عايروكم انكم اطفال ولبسكم بسيط بساطة الأطفال .. عيشوا كالأطفال
أحسن ماالدنيا تغيركوا لكائنات فقدت الاحساس والآدمية"
- اعطفوا على الحيوانات . . "لو
قدرتوا تفهموا لغة كائنات ضعيفة صماء بتحب بجد من غير لف ودوران هتتعلموا منهم
الوفاء "
- ماتخافوش من السن وماتسمعوش كلام
الناس اللي هيحرمكم انكم تعيشوا بجد . . كده
كده مش هيبطلوا لَت . .!
- ماتخافوش من الرفض . . على الأقل
اللي هيرفضكم بصدق أفضل بكثير من اللي بيمثل الصداقة والحب.
- سر الحياة في نظري هو الرضا . ..
محدش مسئول عن سعادتك انت اللي مسئول عن سعادة نفسك . . السعادة تنبع من الداخل.
- فقدان الأب أو الأم لا يعوض . . استمتعوا بوجودهم لا أخ ولا أخت
ولا صاحب وأقارب يعوضون هذا الفقد!
- ان أخطأتم . . اعتذروا . .
- تعلموا ثقافة الصمت . .
- ابعدوا عن الثرثرة واللت. .
- ابعدوا عن الغيرة والحقد . .
- حبوا ربنا بجد . .!
Commentaires
Enregistrer un commentaire