Poème الشعر ( Mai )
الشعر
بقلم
ياسر صليب
عيد ميلاد سعيد
مِد إيدك
جوه دولاب تعاليمك
خَّـرَّج كل قديمك
كُمْ طويل ...أو تعديل
شتوي تقيل ..أو تعليل...
و چاكت مطرة ضد التَقوِيل ...
عدت.. سنة ..جواها
سنين
إتغير فيها مقاس أحلامك
إتعدل فيها ذوق
أفكارك !
عدت سنة جواها
سنين و سنين
كل ما فيها دسم و سمين ..
سبِب للعالم
ضيق
شرايين...!
شجن خوف
و حنين
مِد إيديك جوه الأركان
تحت رفوف شبه
امان
لاقيت ايه ..؟ وعظ و تعليم مليان ؟ بالطو
بخطوط تقليم
و ماقيستوش بقالي
زمان
و جه الوقت لل تقييم
أوعي تشحت كل قديم !
أوعي توزع من افكارك علي اصحابك اوعي التعميم
وايه ده كمان
قميص متبقع
ياللا إلحق كل عيوبك
في الحق إنقع
والصلاة تنفع
السنة عدت
إلحق
في يسوع نفسك
إنقع
السنة عدت
عن كراكيبك
إرجع
السنة عدت
تحت عنييه
إركع
... أهوه قدامك
مكوي و متطبق
أغلي أيامك
و فيها مِعتَق
ريحة أحبابك
أُحضنها
إدفن وشك فيها
و إبكي...
إكتم وجعك
إياك تِشكي
راحِت أيامها
وليالِيها
و إللي باقي لنا
رسالة
معانيها
و عدت .. سنة
مِد إيديك جوه
أدراجك ال مقفولة
هدوم متخزنة
من سنة اولي
عدي عليها كتير
من غير تدبير
مثلاً.... بتغيير ؟
... مثلاً بتعاني م التكبيير أو تهميش أو مثلاً عيبك ال تفضيل اهي كلها ضاقت ..!كشت ولا تنفع حتي تشحتها ...!
طب ليه بس مخزنها
وَّسَّع قلبك
جدد فِكرك
وكل مشاعر سلبية
مخبيها
حرر روحك
من اسرار
قلبك
مخبيها
.......
وده لِبس العيد
لسه بحاله جديد
ايام مُفترجة
عداد بيعيد
اعياد السنة للـ
فُرْجة
ما هي سنة
ال خوف
سنة
غُربة
قوم إتحرر
من كل عتيق
في دولابك
عِيش أعيادك
ميلاده
ميلاد أيامك
قيامته
قيامة
إنسانك
Commentaires
Enregistrer un commentaire