Réflexions تأملات . ( Novembre )
تأملات
بقلم / جورجيت وليم.
خلينا
متفقين ان الرجالة عموما، الا بعض الرجال المختلفين فعلا و اللي لهم رؤية، بيحبوا
الست الضعيفة اللي بتقول حاضر و نعم، مع تخيلهم انهم متحررين، مع برضو فرضهم بشكل
غير واعي علي الست انها تشوف نفس الصورة حتي و ان كانت غير مطابقة للواقع و لا
المنطق، بيحبوا الست اللي تقول حاضر و نعم، زي العروسة اللي بتقول ماما و بابا
كدة، ده بيحسسهم بقيمتهم و بإن الست اللي معاهم بتاعتهم، و لأن في وقتنا ده كل
الستات بقوا strong independent women ده غير ان معظم
الستات بتقبض و تشتغل في مناصب اكبر من الرجالة بكتير، و ده علي جميع المستويات
الاجتماعية بالمناسبة، فأصبح الست المطلوبة هي عروسة بتقول ماما و بابا بس دراعها
مكسور و غبية و مش مهم تكون حلوة لأن كل الستات فذ الضلمة واحد بالنسبة للراجل ...
و لو ده ما حصلش هتتفاجئي بإن واحدة جت تضحك عليه و حافظة ماما و بابا و بتعرف
تمثل، فهيلاقي عندها اللي مش عندك، بغض النظر عن حجم نجاحك و مسؤلياتك و اهميتك و
ممكن يكون جمالك، هتلاقيه بيبص علي واحدة نص لبة ، غالبا اقل منك بكتير جمالا و
مستوي لكن لأغراض اخري هتلاقيها بتعمل المطلوب، تمام زي افلام المقاولات بتاعه اخر
السبيعات و اوائل الثمانينات، انا حقيقة مش عارفة انصحك بإيه، لان في النهاية دي
بتبقي نزوة عابرة بيستكمل بيها الرجل فجوة او نقص عنده، طبعا ممكن تتخيلي اني
اقولك كوني اذكي و العبي اللعبة و رجعيه و اعمليله اللي هو محتاجه، في الحقيقة لا....
نصيحتي انك
تكملي في طريقك بكل ثقة، تكوني اعلي، تكبري اكتر لأنك هتقابلي ناس اكبر و اكبر كل
ما كبرتي، و ناس اكثر خبرة و اكثر علماً و ثقافة و اكثر ثقة في نفسهم، هتكبري اكتر
كل ما معرفتك بأكوان اكثر اتساعاً و اعلي مستوي في العلم و الخبرة، ساعتها هتكوني
حرة وما حدش هيملي عينك و اللي هيختارك هيكون صالح نفسياً، ده بعد طبعاً ما انتي
تختاريه، ما تخنقيش نفسك في مستوي اللاعب الغبي، العبي بره ال
track ، لأن الtrack في الحياة
العملية اتعمل للكسالي و الاغبياء ، و ليس للأحرار و الأذكياء، اتعلمي لأن التعليم
بيخوف الضعفاء، كوني مستغنية لإن الاستغناء هيجيب اي حاجة تحت رجلك، ما تتنازليش
لأن التنازل معناه الاحتياج، و المحتاج هو اللي ريح في الخط و نام لأن قعدة البيت
اريح، اشتغلي .... و سيبي العرايس تقول حاضر و نعم علي ارفرف محلات بيع الألعاب
للأطفال، لحد ما حجارتها تخلص و ماحدش يشتريها
!!!
انتي
مش عروسة لعبة... انتي ست افضل من100 راجل و اعلي و اكبر و اجمل و انضف مليون مرة
من العرايس الكدابة اللي بنضحك بيها علي العيال!!
Commentaires
Enregistrer un commentaire