Réflexions تأملات و خواطر. ( Juielt )
في يوم وقف
التور وبص للساقيه
وقال كفايه
بقي دي الصحه مش باقيه
هايجري ايه
لو يوم وقفت انا شويه
لا الكون
زيي هايقف ولا الناس فايقه
............
من كتر
التعب التور نهج ومسك قلبه
قال كفايه
شقي واترمي علي جنبه
من تقل
جسمه اتقطم الدراع الخشب
والساقيه
مالت علي جنبها وجت جنبه
............
صحيوا
الناس الصبح والارض عطشانه
والقانايا
ناشفه والميه خلصانه
جروا ع
الساقيه لقوا التور جنب البير راقد
جابوا
كرباج وجريد وكسروا خرزانه
...........
من كتر
الضرب وقف مقدرش يتحمل
ع الكتف زودوا عرقين لجل يتحمل
وشتموا
التور وقالوا عليه كلام يوجع
وحطوا تقل
عليه وقالوا.. يتحمل
..........
فضل يلف
بالساقيه. والساقيه ماتكلش
كل هدفه
الميه في القنايا ماتقلش
يفتكر الم
ضهره تنكسر نفسه
يقول مادام
عايش طظ مايهمش
.............
الصحه في
النازل وخايف يقول اه ياني
قال يمكن
قلبهم يرق وحد يرعاني
صرخ وقال
الحقوني... جم من كل مكان
لقوه وقع
ميت... جابوا تور تاني
Commentaires
Enregistrer un commentaire