Réflexions تأملات و خواطر. ( Juillet )
تأملات و خواطر
بعد ال 40
بقلم / جورجيت وليم.
بيقولوا كلام كتير، بيصبرونا بيه
بيقولوا زي ماانتي،
عدي العمر و لا اتغيرتي،
بيقولوا سن الكمال، و الجمال، و راحة
البال،
و بنبتسم،
و نترسم،
و احنا عارفين اللي فيها،
و اللي فينا و مخاوفنا اللي بنحاول
نخفيها،
مرة بكلمة حلوة منهم،
و مرة بكريمات تجميل،وتجاعيدنا بنداريها،
و في النهاية كتر خيرهم ،
اهم برضو احسن من غيرهم ،
بيجاملونا، من غير ما يعرفونا
ده اللي كبرنا علي ايديهم،
الجرح ما جاش غير منهم،
شكلك اصغير من سنك ...
بنوتة اوي و كأنك ....
بطلة اعلانات
و الحلو فيكي ان ماحدش بيهمك
و اللي فات بالنسبة لك مات
بضحك ضحكة بعرض الندم
و طول الألم،
و اقول الصيت و لا الغني و اهو كلام لكسر
السكات،
بنخاف من بكرة ..... ايوة بنخاف
و من النعم ان عقلنا مهوش شفاف
لا هتعرفوا اللي فينا
و لا اللي فينا ينفع يتقري و لا يتشاف
بس كملوا مجاملات
و قلوب حمرا علي لايكات
انقر الفارة عشان خاطري بقي عدة مرات !!!
Commentaires
Enregistrer un commentaire