Réflexions تأملات و خواطر. ( Juielt )
تأملات و خواطر
بقلم : عماد ميشيل
أنا اللي قمحي في ألواني
أنا اللي الصبر عنواني
ولو المر جه سقاني
أقوم فارد كده فرعون
.............
لا كنت قليل ولا قله
أنا أسمي محفور في مسله
ولو حبيت في يوم أتسلي
كنت اكتب تاريخ الكون
.............
أنا الهرم أنا سينا
أنا ضحكه أهالينا
ولَو الدنيا تعادينا
الواحد مننا بمليون
................
أنا اللي شاري خير نيلك
أنا اللي حافظ تفاصيلك
ومهما ابعد لازم اجيلك
بعيد عنك بكون مسجون
.............
أنا أحمس أنا حورس
أنا حر ولا النورس
أنا سولو ومش خورس
وحبك جوا قلبي جنون
.........
أنا أملي بلون الفجر
أنا عزمي يفتت صخر
أنا بحيا بكلمه مصر
ساكنها.. وبعشقها مسكون
Commentaires
Enregistrer un commentaire