Poème الشعر (Mai)
الشعر
بقلم : ياسر صليب
آدم لما
بخار الآيام
يِخفِي مرايتُه
يجي يدقق ... ولا يلاقي نفسه !
و يدور أنا
مين ؟ مش لاقي صورته !
آدم نام
مد ايديه
عَّزَف علي
أوتارها
فَّـــرَحهَا ..
رسم علي
جبين حوا
ترنيمة حُبُه
آدم لما بَرد
الوِحـدة يشكشك بدنه
يجي ينام
.. ولا يلاقي حِلمُه !
يتقلب علي
جنبه ! في الحيط وِشُّه !
آدم فاق
ما لقاش
قلبه
وقع في
غرام ضِلعُه
نقش علي
جدران حوا
غفران
إثمُه !
آدم لما غيم
السحاب
يلبِس نضارتُه !
يجي يشوف
... ولا يعِد صوابعهُ ! !
مين جنبه ؟
مين مِنُه ؟
آدم قام
غني ل نصره
شق حجاب
قبره
رفع عَّلم
حوا
راية نصرُه
آدم كل يوم
ليه في
الحُب
عيد
و فـ قصة حُبه
لـ حوا
إعلان
آدم
الجديد
Nariman
Melad Yasser كل سنة وإنتي مولاتي
Commentaires
Enregistrer un commentaire