Poème خواطر شعرية ( Mai )
خواطر شعرية
البيت الكبير
أيام
زمان كده مش من كتير
كنا
عيلة ولمة وعيال كتير
ما
تحلى لميتنا إلا ف البيت الكبير
ناس
طالعة وناس داخله من المشاوير
راجعة
تجرى ترتاح على أوسع سرير
مفروش
حنية وكأنه حرير ف حرير
وتحلى
اللمة على احلى سفرة
شاى
وقهوة وكمان فاكهة
ويا
سلام على أحلى ضحكة وأحلى لمة
وبين
أولى وتانية كانوا هما تسليتنا
والله
يا ناس كانت دى لميتنا
ومن
ورا الباب كنت تسمع ضحكتنا
وبعد
سنين طوال وبعد وترحال
وبعد
كمان ما كبروا العيال
أتبدل
الحال واتشقلبت لاحوال
بعد
الفيس والواتس والجوال
صبحت
اللمة دى شئ محال
قاعدين
مع بعض وكل واحد ف حال
كأننا
ع الصامت ومفيش كلام يتقال
وتعدى
ساعات طوال وكمان تقال
بين
زهق وملل وكمان خناقات
قاعدين
تايهين بنقلب ف القنوات
ياعيني
ع الزمن اللى فات
وعلى
إحساسنا اللى مات
وع
اللمة اللى بقيت مجرد ذكريات
ياريت
الزمن ماكان عدا ولا حتى فات
خلاص
تعبت انا من اللف والمتاهات
نفسى
ارجع للزمن اللى فات
وأعيش
أحلى لمة وأحلى الذكريات
بس
يا خسارة اللى فات خلاص اهو مات
والبيت
الكبير أصبح كمان رفات
ومبقاش
ينفع نعيد إللى فات
وبقيت
انا عايش ف الذكريات.
Commentaires
Enregistrer un commentaire