Réflexions تأملات و خواطر ( Février )
كل الحكاية
بقلم : مونيكا جوزيف
كاتبة
كل الحكاية ان فيوم وليلة لقيت قلبي
بيتخطف كل ماشوفك ...واني كنت بعشق الصدف اللي بتجمعنا ....شعور مراهق كان ليه
حلاوته لما اتعاش وانا فقمة نضوجي.... وفيوم وليلة تانيين لقيت كل الطرق اللي بينا
اتسدت ....كأن رصيدنا اللي جوة قلب الصدفة خلص .....حسيت وقتها ان الشمس غابت
...اول مرة احس بضلمة ساكنة بين ضلوعي ..ساكنة نظرتي للحياة .... وقتها المراهق
اللي خلقتيه جوايا اختفي واتخلق مكانه طفل صغير ....طفل ابسط الاشياء بتخوفه
وبتخليه يصرخ .....ولما بدأ يهدا ويبطل عياط ...دخل ف غيبوبة نوم ....و بعد كام
شهر لقيتني مابفكرش غير ازاي قدرت انساكي.....نسيتك فعز مانتي متبتة ف دماغي وقلبي
....بس
رجعت تاني لنفسي ...الشاب الناضج......ماعرفش ليه وحشني شعور المراهق الغبي
..وحشني وجود حد يقاسمني تفاصيل يومي....حد يأكدلي اني لسه عايش......بدور عليكي
لكنك اختفيتي فجأة زي ماتكوني كنتي مالاول سراب ..وبرغم وجعك ليا ......واني عرفت
ازاي اعيش من غيرك.... الا اني دايما بفوق وانا بحاول اخلق صدفة تجمعني بيكي
....بفوق وانتي لسه عايشة فحضني ....كأنك عايشة بموتي..وكأني عايش ب روحك
Commentaires
Enregistrer un commentaire