Réflexions تأملات و خواطر ( Février )
أنا كيان كامل ..مش تحت أي مصنفات
بقلم : مونيكا جوزيف
كاتبة
هاقول حاجه
هاتخلي الناس تشتمني وتخلي البنات تهزقني ..ف اتمنى وجهة نظري توصل صح
" بنت كاتبة بوست بتقول ان جالها عريس صالونات
ولما شافهاا استاذنها تغسل وشها وهي هزقته ورفضته وكل البنات دخلت تشتم فيه
"
_ جواز الصالونات اصلا بالنسبة لي جواز سطحي هو
حد بيدور ع عروسة مناسبة يعني كل اهتماماته مبنية علي
_شهادتك
_ كلام الناس عليكي ايه
_شكلك
_جسمك
_شغلك لو هايهمه انك تصرفي معاه
يعني انت
قبلتي بكل ده ان واحد داخل يتجوزك من كلام الناس عنك و عشان باقي التفاصيل دي
وزعلتك اوووي اغسلي وشك ؟
انا مقتنعه
تماما انه مش من حقه يطلب طلب كده و انه شيء محرج بس هو اصلااا جاييييييي عشان شكل
سعادتك
ماكنتيش
زميلته فالكلية ف شاف بعنيه اخلاقك وتصرفاتك و ذكاءك ...تعاملاتك طموحاتك ...شافك وانت تعبانة وانت
كويسة وانت نكدية وانت فرحانه ف قرر انه لا دي عايزها وقتها اللي زي ده لو اهتم
بشكلك بس تهزقيه
بعدين
نتكلم بشكل اكثر واقعية ...المكياج فعلا بيغير الشكل تماما
ومؤخرا بقى
اسهل حاجه تركيب شعر وتركيب رموش و مليون الف حاجه تتحط عالوش بتحوله تماما
ف حضرتك
زعلانه ليه ان الراجل اللي " ماهتمش يعرف شخصيتك الاول وجه على اساس شكلك وبس
انه كان صريح وطلب انك تغسلي وشك ؟ "
طالما
مالبداية قبلتي حد يقرب منك عشان شكلك ...ف استحملي
_ ارتبطوا وابنوا حياة مع. شخص شافكوا فكل حالاتكوا
_ارتبطوا بحد لما حد فيكوا بيقع التاني بيرفعه
ويقومه
_ارتبطي بحد بيسمعك و بيهتم يحتويكي
_ ارتبطوا عشان انتوا محتاجين فعلااااا تكونوا
سوا
انك مش
هاتقدري تحسي ان ممكن حد يشاركك يومك و تفضلوا فوش بعض سنين من غير ماتزهقوا ..من
غير ماتخونوا
المشرحة مش
ناقصة جثث ....كم الطلاق رهيب .....الحب مش حرام ..
الحب مش
حرام
الحب مش
حرااااااام
العلاقات
المبنية عالتفاهم والحب مقدسة
انا مرة
واحد قالي ف وشي " مونيكا انت حد محترم جدا و دماغك حلوة و لما فكرت فالجواز
حسيتك زوجة مناسبة "
وهو اصلا
مايعرفنيش كويس هو عارفني من خلال ناس
وبرغم ان
جملة " زوجة مناسبة" ممكن تكون تفرح حد
بس أنا
وقتها حسيت ب اهانة
أنا مش
زوجة مناسبة ...أنا مونيكا ...أنا كيان كامل ..مش تحت أي مصنفات
Commentaires
Enregistrer un commentaire