Article المقال كبسولات مسرحية ( Janvier )

كبسولات مسرحية     

 

إزاى تكتب مسرحية 

  

 

بقلم : رفيق وجيه

الهدف الاول لكتابه مسرحيه لان اول حد حيقراها فعليا بتركيو هما الممثلين 

فاول حاجه الافتتاحيه في المسرحيه

وبعدين كتابه الشخصيات

وبعدين النزاع سوا كان النزاع خارجي او داخلى

 

طبعا ده مالوش علاقه بمسرحيات دلوقتي اللي هي في بعضها قص ولزج وجبر خواطر

تعالى نبعد عن النظري الكتير وناخد مشهد من العبقري لينين الرملي في مسرحيه انت حر 1980

بعنوان انا جيت منين ؟ الكتابه كبيره وفي نص الورقه 

الكاتب من حقه يكتب وصف المكان لكن مش تفاصيل المكان والا يبقي النص " مسرح مؤلف " 

فعمنا لينين كاتب 

صالة الاب ( يظهر عبده في سن الطفولة وهو يمرح ) 

الاب : ياسلام علي ايام الطفولة . مين مايحبش يرجع لها ؟ دنيا بلا هم ولا مسؤلية . دنيا كلها احلام وبراءة وحريه . الا مقصوف الرقبة عبد ابني . من يومه وهوعاصي ومتعب ونكدي .

( الاب يجلس ويقرأ الجريده الأم تشتغل كروشيه ) 

في الجمله اللي فاتت مقدمه يقدر قدملنا في جملة واحده اكتر من حاجه شخصية عبده " ابنه " وصف عبده "عاصي ومتعب ونكدي " ده بشكل مباشر ، وبشكل غير مباشر وصف انه متجوز 

الطفل : ماما ...
الام : ايوة ياعبده ..

الطفل : انا جيت منين ياماما ؟

الام : ( بارتباك ) يافضيحتي . معرفشي اسأل ابوك .
الطفل : بابا ... يابابا ... انا جيت منين .
الاب : جيت من ... جت من ... من مطرح ماجيت .
الطفل : طب مين اللى جابني .
الاب : اللى جابك ... وله ابعد عني .
الطفل : طب ليه سمتوني عبده .
الاب : هو تحقيق ؟ انا حر اسميك زي مانا عاوز .
الطفل : وانت اللي خلتني شبهك ؟
الاب : ربنا خلقنا كدا . الولد يشبه اباه .
الطفل : وربنا خلقنا ليه ؟
الاب : ييه " للام " انت ياولية ، ياتحوشي ابنك دا عني وتربيه ، ياتبقي طالق وتغورى بيه .
الخ من المشهد
عمنا لينين الرملي الرائد هنا مدرسه في تعليم فن كتابه المسرحيه
ولحد هنا التوجيه الوحيد اللى كتبه الكاتب " بارتباك " ، و " للام " والباقي سايبه للمخرج والممثل
نتعلم ايه لحد دلوقتي حماسه الكاتب ، الواقعيه الللي في الكلام المرتبطه بوقت الكتابه ان فضول الطفل مكمل وده في النص معناه التقدم لقدام ان الورق مش بيلف في نقطه وبيعيدها ويزيدها بالعكس الشغف بينقل من حاجه لحاجه

طيب نشوف موضوع مهم وهو اسئل نفسك ككاتب ورا كل جمله هل الجملة مهمه ؟ وايه فايدتها ؟
لما حتجاوب علي السؤالين دول حتؤمن بان الحوار بيساهم في سرد القصه
يبقي للمره التانيه باكد ليك اوعي تقول للممثل ازاى يمثل لان لازم المسرحيه تتحس من الممثل علشان يقتنع بيها الجمهور

هل المشهد اللى فات ينفع افتتاحيه للمسرحيه ؟
جاوب انت متوقعا واسرح بخيالك

سلام مؤقت