Article المقال ( Décembre )

 

Game Of 2020 

بقلم : كارين رامى

بما أننا عدينا بأوقات صعبه ومواقف كتيرة في "2020" اللي في كتير مننا أخدوها كلعبه .. ناس كتير قرروا يعملوها لعبة .. يخدوها ك "Level" و كل شهر يفضلوا مستنيين عشان يشوفوا كل "Level" مخبيلهم إيه و في ناس أخدتها إنها سنة نحس ومش عايزة تخلص مع أن أى حاجه و حشة بتحصل لازم لازم نأخدها كانها تجربة لازم نعدي منها لازم نعرف أن دي إرادة ربنا .. أنا حا أتكلم علي باقي السنة ب "Levels" لأني شفتها إنها سنه ممتعه كنت شايفاها غامضة --- صحيح زعلنا أكتر ما فرحنا مع أن علي فكرة يعني كان ممكن كل لحظه حزن نأخدها بفرح و نبقي مبسوطين .. في السنة دي خسرنا أعز الناس بقينا بنقول علي طول جملة مش هنخسر أعز من اللي

راحوا ---- في ناس فارقونا بالروح و في ناس تانية فارقونا بالجسد ناس فارقونا بكامل إرادتهم و ناس فارقونا من غيرإرادتهم . وسألت نفسي الناس اللي فارقونا بإرادتهم ده عشان《 كلنا فترات في حياة بعض 》وبعد كدة قلت مفيش حاجةأسمها كده عشان اللى عايز يفضل هيفضل و هيتحدى العالم كله عشان يفضل معاك ماهو انت لما بتركب قطر ممكن تكمل لغايه اخر محطة و ممكن تنزل في نص الطريق ---- فمتقوليش فترات لان دي كلمة بنضحك بيها على نفسنا . في حاجات كتير حصلت و أهمها "Corona" غيرت حياة ناس كتير قعدنا في البيت حوالي 7 شهور كل واحد فينا أخدها من وجهة نظره في اللي شافها فرصة يقرب من أهله ، من ربنا ، من أصحابه وفيه اللي شافها فرصة أنه ينمي موهبة معينة و فيه اللي شافها فرصة أنه يرتاح و يبعد عن كل الناس، كل واحد شافها بطريقته بس برده أنا شايفة أنها كانت لعبه ---- لعبة طويلة ولسة مكملة بس أكيد هتعدي ----- كان العيب الوحيد اللي مكناش عارفين نسيطر عليه هو الإقتصاد اللي أتبهدل بس علي فكرة ممكن يكون مقصرش علي حضرتك في حاجه .. والله كله عدى . نرجع تاني لنقطه مش هنخسر أعز من اللي راحوا مين فينا مخسرش ناس بيحبهم وبيحترمهم في الفتره دي بس فيه فرق كبير قوي بين وجع ووجع .. ما هو علي قد الوجع علي قد ما اتعلمنا أننا منثقش في أي حد بسهوله وبكدة أكيد حنكون متأكدين ان مينفعش نزعل من حد لكن لازم نحط حد  ---- أتعلمنا كتير على قد ما حسينا بضعف كبير ----- الوقت ده والله كان وقت عمره ماحا يتعوض كان لازم نفهم أننا ماينفعش نضيع الوقت في أي زعل على أي "حاجة" فرقتنا بإرادتنا --- كان لازم نعرف إزاي نستغل وقتنا صح و أخيرا عدينا   " 12Level" و اللي كنت

مسمياه "Level" الوحش . 

هنبدأ سنه جديد هنبدأ وقت جديد هنبدأ "Twelve level" جداد أحنا مش عارفين اللي جاي إيه نظامه بس عارفين أننا نقدر نحوله180 درجة .. نغير الوحش لحلو نبطل نزعل .. نأخد الموضوع كأنه لعبة

❤ Enjoy your game in 2021 ❤