Article المقال كبسولات مسرحية ( Septembre )
كبسولات مسرحية
طريقة
كتابه المسرحية " رسم الشخصيات " وتمرين عملى
بقلم
: رفيق وجيه
ازاى نخلق الشخصيات ؟
لازم شخصيات المسرح تكون مشوقه اكتر من الشخصيات في الواقع ، عن طريق استخدام
خيالك وابداعك كل ماتدي تفاصيل للضخصيه كل مايبان ابداعك في رسم الشخصيه .
اول حاجه الخطوط الرئيسية للشخصيه علشان كده اول شئ ادرس نفسك . انت اول ضخيه
حقيقيه تعرفها عن قرب ، وبما انك شخصيه في حد ذاتك ههه ، فادرس نفسك مهما كانت
شخصيتك سوا كنت متأثر بحد او مؤثر في حد . حتقولى ازاى يعني ؟ حقولك اول حاجه تخيل
رسم كروكي لشخصيتك . هات ورقه وقلم واكتب ايه اللى بيميزك عن بقيت الناس اللى
تعرفهم او حواليك وتأكد ان مفيش شخصيتين يبان عليهم نفس تأثير البيئة المحيطه بنفس
التأثير وده لان كل ضخيه مختلفه تماما عن التانية حتي لو اتشابهوا في حاجات فهم
لازم يختلفوا في حاجات تانيه مفيش تماثل في الشخصيه زي بصمه الايد او حدقة العين
كل واحد مختلف عن التاني . " حاول تكتب عن نفسك في حدود 300 كلمه وبعد اما
تخلص اتأمل ايه اللى وصل شخصيتك لكده ليه بقيت كده !!؟"
حجرب وانتوا كمان جربوا
مثال :
الجنس : ذكر
السن : 40
الطول : 170 سم
الوزن : 75 " كنت 80 "
لون الشعر : اسود " لما كان فيه شعر انا اقرع "
لون العين : عسلي علي اخضر
الجلد : ابيض
الشكل عام : ياسلام عليا " جذاب " هههه
الصحه العامه : عندي حصاوى وكريستالات وهي مؤلمه جدا ، وعندي اعصاب سناني بعافيه
شويه ساعه تروح وساعة تيجي ، وكان طالعلي كيس دهني في ضهري وشيلته والدكتور الحمار
عملها مش تجميلي فسايبه علامه علشان لو تهت يعرفوني " ههه سخيف انا
شويه "
الوراثه : بلبس نضاره من وانا 6 سنين - الاملاح عاليه
الطبقه : متوسطه معقوله ، الاب مهندس عظيم علي المعاش والام مدير عام شئون
اجتماعيه علي المعاش
العمل : مدير مالى لشركات مقاولات " تخصصي " والحمدلله سبت شغله "
الموظف " وبقيت حلواني علي باب الله " صنايعي يعني " وبعمل لصحابي
تصميمات فوتوشوب علي باب الله ، وبعمل استاندات اكليريك علي باب الله . وبرسم علي
باب الله ، واهو بكتب مقالات علي باب الله . " عارف حتقول 7 صنايع والبخت
ضايع " بس جرب تكتب انت .
التعليم : مدرسه فرنسيسكان في ابتدائي واعدادي ثم للاسف " مبارك الثانوية
العسكريه للاسف في ثانوي ومع النجاح الساحق في الفتره الغير موفقه دي دخلت كليه
القمة " تجاره للاسف جامعه الاسكندريه " - وعلشان بحب الرسم دخلت
كورسات في وحده ذات طابع خاص في كلية فنون اسكندريه علي يد ا فؤاد تاج وا محمد
شاكر وا عبد السلام عيد ، واخدت كورسات فوتوشوب في نيو هورايزون . وحبيت المسرح
اوي اوى اوى من 98 وانا برسم لوح بانوراما ثم ديكور كامل زي ديكور واضاءة ثم طوروا
المفاهيم وسموها سينوغرافيا وطول عمري ماليش دعوه بالملابس " علي فكره
الجملتين اللي فاتوا مكانهم مش هنا فخدوا بالكوا وانتوا بتكتبوا عن نفسكوا علشان
ماتسرحوش "
بحب القرايه جدا وسبب ده بابا " وانا قلت بابا مش ابويا " شال التلفزيون
9 سنين تقريبا ودي احلى حاجه عملها وطبعا قرينا كميه كبيره لان عندنا مكتبه كبيره
وفيه مره اشتريت كتاب اثر عليا وبابا شافوا وقام مخبيه " هكذا تكلم ذرادشت
نيتشه " وطبعا قبلها النبي لجبران بس مخبهوش بقي عادي ، الحرب والسلام
تولستوي ، الف ليله وليلة ولسه عندي نسخه قديمه جدا ، النظرية النسبيه لمصطفي
مشرفه وبرضوا كتاب قديم جدا ، 1984 لجورج اورويل ، انا كارنينا تولستوي ، شجاعة
العالم الجديد الدوس هيكسلي وضد المسيح لنيتشه وكتب تانيه كتير حقيقي بس ده مش
مجالنا
نفسيا : طبعا معروف " مجنون " ههههه
الحب : بحب علي روحي
طريقتي في الكلام : عسل عسل عسل بحبني اوى
الجنس : غريزة اساسيه بس في نظاق المجتمع " مالعبتش بديلي ولو انى حبيت طبعا
قبل الجواز "
مبدأ اخلاقي : الانسانيه هي الحل
اكتب انت بقي ياسيدي ماتتعبناش
كرر بقي اللى فوق ده علي واحد صاحبك حبيبك واكتب بنفس الطريقه " كده بقي عند
ياسيدي شخصيتين
حاول تفكر الاتنين دول لو اتكلموا في موضوع حيتكلموا ازاى " نسيت اقولك حاجه
قالها عمنا نور الشريف لكل شخصيه لازمه معينه زي شخصيته " كمال " في فيلم
العار لما كان بيزق رقبته لقدام " وفيه فيديو علي النت للمحاضره دي حيعجبكوا
اتفرجوا عليه .
المصدر :
يتبع
المقاله خلصت
مثال لازم تتابعوه مسرحيه انت حر للرائع المبدع الاستاذ لينين الرملى
لوحه الكذب
المنظر : ( شقة صغيره . كأنها لدمي في مسرح العرائس عرضها مترين وارتفاعها متر ،
ومقسمه الى صاله بها مائده ومقعدين ونافذه ، وحجرة نوم بها سرير لشخص واحد )
ادم : ياسلام الواحد مايرتحش غير في بيته ياحورية " رأسه تصطدم
بالسقف "
حورية : ياحبيبي حاسب ، الجيران اللي فوقينا اشتكوا
ادم : لامؤاخذه . بالا ياحورية حضرلنا العشا لحسن واقع من الجوع . ها محضرلنا ايه
؟
حورية : فاضل عندنا بقية الغدا بتاع امبارح .
ادم : ايه دا ... لسه
https://www.youtube.com/watch?v=oNMM7DT8kag&authuser=0
Commentaires
Enregistrer un commentaire