Poème الشعر ( Août )
الشعر
يا عم يا جَمَال حوش جِمالَك
بقلم : ياسر صليب
يا عم يا جَمَال حوش جِمالَك
من الطُرقة
ح تدوسنا ....
إحنا ولاد ناس
وياما ع الحرير
دوسنا
إحنا إللي باداعنا الأدب
و إتربينا ب فلوسنا
يا عم يا جَمَال
من بعد غُربة
و ترحال...
سقف توقعاتنا
عالينا
في الناس
من غير أساس
خاذلونا
طاطِينا نرفعهم
ساقوا فيها
و رَاكبونا
ولما لـ بابنا قافلنا
هاجرونا
و لما
لم يلاقوا فينا
عيب
علي أدبنا
هاجمونا ...!
و بعدها ...
تيجي إنت يا جَمَال
ب جِمَالك
و ح تدوسنا ؟
Commentaires
Enregistrer un commentaire