Les Musiciens المزيكاتية. ( Juillet )

المزيكاتية      

موسيقى الجميلات

 " الجزء الثالث "

بقلم : ماري رزق

 

   

هبة طوچي.. لُبنانية

هبة هي فنانة مُتعددة المواهب..

موهبتها ظهرت من أيام الطفولة، لما كانت بتغني وتمثل في المدرسة..

ولما كبرت درست بالجامعة تمثيل، وإخراج، بالإضافة لدراستها ال Vocalise، Solfege، رقص..

لما كان عمرها 8 سنين، اتسألت سؤال بيقول: "تحلمي تشتغلي إيه لما تكبري ؟ وقتها هبة جاوبت.. يا مُدرسة يا مُغنية..

وهي بالفعل حققت الحلمين، لإنها درِّست لأولاد صغيرين.. وتاني حلم، بدأت تحققه لما اتعرفت على أُسامة الرحباني وهي عمرها 18 سنة.. ونقدر نقول إن أُسامة الرحباني تبناها موسيقيًا وفنيًا..

بعدها بسنة قدمت أول مسرحية غنائية ليها في 2008 بعنوان "عودة الفينيق"..

وبكده أصبحت هبة أصغر حد طلع على مسرح الرحباني، وكانت بطولة من أول مرة..

 

هبة شاركت في برنامج The Voice France سنة 2015 والحقيقة إن هبة وأُسامة، وقتها شافوا إن البرنامج ده هيفتح لهبة آفاق في البلاد الغربية، وفعلًا بعدها هبة قدمت دور البطولة في العودة الرسمية لمسرحية Notre Dam de Paris  وهي من أبرز المسرحيات الغنائية في أُروبا..

 

هبة اتكلمت عن سنة 2017 كواحدة من أهم السنوات في مشوارها الفني، بترمز للسنة العاشرة من الفن ومن التعاون مع أسامة الرحباني، وفي السنة دي قدمت  Album بعنوان هبة طوجي 30 ، وده لإن هبة قدمت فيه 30 أغنية، وكانت دي نفس السنة اللي بتحتفل فيها بعيد ميلادها ال 30

من أجمل الحاجات اللي بتميز هبة.. إن جواها جنون الفن..
عندها الجزء اللي بيحفز نجاح أي فنان..
هبة بتغني بأكتر من لغة؛ عربي وإنجليزي وفرنساوي..
أغانيها شبه الحواديت.. تخليك تعيش معاها في التفاصيل
من أجمل أغانيها..
سلم على مصر، هربان، المرتزقة، أنت الفليت، يمكن حبيتك، حبي اللي انتهى، يا حبيبي، متل الشجر مزروعين، عرفت أم لا، و مين اللي بيختار

 

استنوا باقي الحكايات في مقالات جديدة..

يجعل حياتكم مزيكا  

 

 

 Facebook Page

 

https://www.facebook.com/El.Mazzikateya.2020/

 

 

 

YouTube Channel 

 

https://www.youtube.com/channel/UCR7izhCIrpNvvG20sK2PKFg